2005 წლის 28 ივ­ნისს მარ­ნე­უ­ლის რა­ი­ო­ნის სო­ფელ სა­დახ­ლო­ში გა­უ­ჩი­ნარ­და 56 წლის სად­რა­დინ ფა­ლან­გო­ვი. იგი სა­უ­დის არა­ბეთ­ში მუს­ლი­მან­თა წმინ­და ად­გილ­ზე, მე­ქა­ში იყო ნამ­ყო­ფი, ამი­ტომ მეტ­სა­ხე­ლად “გარა მო­ლას” ეძახ­დნენ. მისი ამბავი ერთი წლის შემდეგაც გაურკვეველი იყო, ამიტომ სადახლოს მოსახლეობამ 2006 წლის 28 ივნისს საპროტესტო აქცია მოაწყო და საქმის დროულად გამოძიება მოითხოვა,  გარა მოლას ახლობლების განცხადებით, სამართალდამცველები ცხედრის მოძებნას ვერ ახერხებდნენ და საქმის გამოძიებაც ჭიანურდებოდა. კულტურის სახლიდან მოლას ოჯახის წევრებმა სადახლოს პოლიციის ეზოში გადაინაცვლეს. მოლა გარა ფალანგოვის შვილის თქმით, სამართალდამცველები მათ დაჰპირდნენ, რომ დამნაშავეები დაისჯებიან, მაგრამ შედეგი არ ჩანდა.

სოფელ სადახლოს მოსახლეობამ სადრადინ ფალანგოვის გაუჩინარების ფაქტის გამოძიების მოთხოვნით საპროტესტო აქცია რამდენჯერმე უკვე გამართა. 

წლების შემდეგ, 2011 წელს გიორგი ჯანელიძემ გადაიღო დოკუმენტური ფილმი “გაუჩინარებულები”, საიდანაც ირკვევა, რომ გარა მოლას გა­უ­ჩი­ნა­რე­ბამ­დე სამი თვით ადრე, 2005 წლის მარ­ტში, სა­დახ­ლო­ში გა­ი­მარ­თა საპ­რო­ტეს­ტო აქ­ცია, რომ­ლის ერთ-ერთი ორ­გა­ნი­ზა­ტო­რი სად­რა­დინ ფა­ლან­გო­ვი იყო. მი­ტინგზე შეკ­რე­ბი­ლე­ბი აპ­რო­ტეს­ტებ­დნენ ად­გი­ლობ­რი­ვი ხე­ლი­სუფ­ლე­ბის – გამ­გე­ო­ბი­სა და პო­ლი­ცი­ის გა­ნუ­კი­თხა­ო­ბას.

მი­ტინ­გის შემ­დეგ ფა­ლან­გოვ­სა და ად­გი­ლობ­რივ ხე­ლი­სუფ­ლე­ბას შო­რის კონ­ფლიქ­ტი წარ­მო­იშ­ვა. მო­სახ­ლე­ო­ბაც ფა­ლან­გო­ვის გა­უ­ჩი­ნა­რე­ბას სწო­რედ ამ მი­ტინგს უკავ­ში­რებს. კონ­ფლიქ­ტი, მა­თი­ვე გად­მო­ცე­მით, იმა­ვე გა­ნუ­კი­თხა­ო­ბას მოჰ­ყვა, რო­მე­ლიც სა­თა­ვეს ე.წ. მარ­ნე­უ­ლის მა­ფი­ი­დან იღებ­და, რომ­ლის წევ­რე­ბა­დაც იმ­ჟა­მინ­დელ ად­გი­ლობ­რივ სა­მარ­თალ­დამ­ცვე­ლებს მი­იჩ­ნევ­დნენ. მო­სახ­ლე­ო­ბა სად­რა­დინ ფა­ლან­გო­ვის რა­ი­მე და­ნა­შა­ულ­თან კავ­შირს მისი პი­როვ­ნე­ბი­დან და წარ­სუ­ლი­დან გა­მომ­დი­ნა­რე, გა­მო­რი­ცხავდა. გარა მო­ლას ვაჟი იხ­სე­ნებდა, რომ მარ­ნე­ულ­ში ჩა­სულ პრე­ზი­დენ­ტთან შეხ­ვედ­რის მო­სურ­ნე ფა­ლან­გო­ვი სა­მარ­თალ­დამ­ცვე­ლებ­მა და­ა­კა­ვეს და მხო­ლოდ სა­ა­კაშ­ვი­ლის წას­ვლის შემ­დეგ გა­ა­თა­ვი­სუფ­ლეს.

ოჯა­ხის წევრთა ვა­რა­უ­დით, ფა­ლან­გო­ვი მოკ­ლუ­ლია, თუმ­ცა მისი გვა­მი ნა­პოვ­ნი არ არის. ფილმის მიხედვით, მის საქ­მე­ზე გა­მო­ძი­ე­ბა შე­ჩე­რდა, ვი­ნა­ი­დან ვერც დამნაშავე დაადგინეს და ვერც დაზარალებული იპოვეს.