2004 წლის 1 ივლისს თბილისის მერიის წინ მოქალაქეები შეიკრიბნენ და ხელისუფლებისგან 2002 წელს მიწისძვრის შედეგად დანგრეული ბინებისთვის დაპირებული კომპენსაციების გაცემა მოითხოვეს. საპროტესტო აქციაში ასევე მონაწილეობდა მეორე ჯგუფიც, რომელიც ხელისუფლებისგან დაპირებულ ბინებს მოითხოვდა. სპეცდანიშნულების რაზმმა თემურ მღებრიშვილის ხელმძღვანელობით მშვიდობიანი აქცია დაარბია. ეს ფაქტი მეორე დღეს “თავისუფლების ინსტიტუტმა“ და “კმარას“ აქტივისტებმა გააპროტესტეს და აქცია გამართეს. ამ ფაქტის გამო დეპუტატმა კობა დავითაშვილმა და მოძრაობა “კმარამ” სასამართლოში სარჩელი  შეიტანეს. 

პრეზიდენტმა მიხეილ სააკაშვილმა განაცხადა, რომ “გადაჭარბებული ძალის გამოყენება აბსოლუტურად დაუშვებელია”.